Ректордың жолдау сөзі

Ректор, тарих ғылымдарының докторы, профессор, ҚР ҰҒА академигі Қожамжарова Дария Пернешқызының

жолдау сөзі

 

Құрметті түлектер!

Өзінің құрамына Қазақ химия-технологиялық институты, Шымкент педагогикалық институты мен Шымкент мәдениет институтын біріктірген М.Әуезов атындағы Оңтүстік Қазақстан мемлекеттік университеті Қазақстанның оңтүстік өңірі тарихында өз орны бар,  оның дамуына жаңаша үн қосқан және   ерекше геосаяси мәртебесін айқындаушы оқу орны болып табылады.

Бүгінгі күнде ОҚМУ-да 20 мыңнан астам студенттер білім алуда. Бакалавриаттың 95, магистратураның 59 және докторантураның 19 мамандығы бойынша мамандар дайындалады. Профессор-оқытушы құрамының саны 1600 астам, оның ішінде ғылым докторлары мен профессорлардың саны – 121, ғылым кандидаттары – 550 адам.

Қызметкерлер мен оқытушылардың жалпы саны – 3 мың адамнан асады.

Биылғы жылы ОҚМУ-ға 75 жыл толады, осы уақыт аралығында ол Қазақстанның қарқынды дамып келе жатқан университеті ретінде, еліміздің алдыңғы қатарлы жоғары оқу орындарының сапынан орын алды.

Халықаралық стандарттарға сәйкес сапалы білім алған ОҚМУ түлектері мемлекеттік құрылымдарда, бизнесте, бұқаралық ақпарат құралдарында маңызды лауазымдарға ие бола отырып, дәстүрлерді сақтау және көбейту арқылы, өздеріне жаңа күштерді біріктіретін, тұрақты түрде жұмыс істейтін бірыңғай қоғамдастықты қалыптастырады.

Біз ОҚМУ түлектерінің қауымдастығы түлектерді кәсіптік қарым-қатынас негізінде біріктіретін бірегей тұтас ағзаға айналып, түлектерді ортақ мүдделері бойынша топтастыратын және университеттің одан әрі дамуы үшін туындайтын идеяларды қалыптастыратын ұйымға айналуын қалаймыз.

Университет өз түлектерін мақтан тұтады. Ассоциацияның басты мақсаты – түлектерді біріктіру, олардың кәсіби өсуіне көмек көрсету, лауазымының жоғарылауы мен табысқа қол жеткізуіне ықпал ету.

      Құрметті түлектер, университетке қош келдіңіздер! Біз сіздермен кездесуге қуаныштымыз! Сіз жөніндегі әрбір хабар біз үшін өте қажет, әрі қымбат.

        Сіздерді қызметтестік-серіктестікке шақырамыз!